طبعا فى قاعدة معلومة مافى مرا فى الدنيا بتشوف زوجها كويس دائما يشوفو كل الرجال تمام إلا الزوج حتى قالوا فى واحدة زوجها فكى كااارب يروِّب المويه ذى ما بيقولوا والبيت دائما مليان ناس العايزا تعرس يحل ليها مشكلتا العايزا تولد الرايحا منهم حاجة الفريق التعبان العايز النصر ورغم دا كله زوجته شايفاهو زول فارغ ساى كلما يجى داخل تقول ليه هسى لو شفت ليك شغله ذى الرجال ما كان احسن ليك أها يوم قال عايز يلقنا درس كانت قاعدا وقداما طشت تغسل فى هدوم وعندها سلسل ذهب عزيز عليها فى رقبتا فجأه جات 3 صقور طايرة واحد من الصقور خطف العقد من رقبتا وهى تعاين والصقور طارت أها بقت تكورك وتجعر الليلة يا عقدى الخطفوك الصقور شويه دخل عليها زوجها الفكى يا مرا بتبكى مالك قالت ليهو فى 3 صقور خطفو العقد منى الراجل ما كضب دخل يده فى جيبه وسلمها العقد وبين دموع البكاء والفرح قالت ليه النبى فيك لقيتو وين قال ليها انا الصقر الخطفو منك قالت ليهو انت الصقر الكان طاير فى نص الصقرين قال ليها أيوه قالت ليهو يسألني الله حتى طيرانك ما زيهم تعبان ومبشتن&

Read more

تم القبض علي ثلاثة مخمورين بالسعودية مصري وسوداني وكفيلهم وحكم عليهم القاضي علي كل منهم 20 جلدة ولما جاء الجلاد كان مبسووووط وقال ليهم زوجتي اليوم جابت لي ولد عشان كدا حا أعطي كل واحد منكم أمنية قبل البدء بالجلد طلب المصري ان يربط مخدة في ظهره قبل الجلد ومن الجلدة العاشرة تقطعت المخدة وكمل باقي الجلدات وهو يلتوي علي الارض من شدة الألم جاء الكفيل عامل فيها ناصح وذكي وفاهم وقاااال انا امنيتي تربط مخدتين علي ظهري ونفذ الجلاد طلبه وما أكمل 15 جلدة الا المخدتين تقطعوا وأكمل باقي الجلدات وهو يصرخ من شدة الألم جاء دور السوداني قال الجلاد للسوداني انت آخرهم وعلشان كدا انا بديك امنيتين قال السوداني انت كريم يا طويل العمر وتقديرا مني لا حسانك وكرمك اختار أمنية ان تجلدني 100جلدة بدلا من 20 قال الجلاد يا اخي انت شجاع وقوي طيب ايه أمنيتك التانية قال له السوداني اربط لي كفيلي دا في ظهري&

Read more

ابان عهد نميري كان القطب الشيوعي المرحوم محمد صالح ابراهيم قد ارسل اليه احد اصدقائه من الاقاليم ساعة يد فاخرة لاصلاحها لدى (ميرزا) في شارع الجمهوريه وميرزا للذين لايعلمون (ايراني الأصل) تأخر محمد صالح في ارجاع الساعة فارسل اليه صديقه تلغراف مكتوب فيه (ويسالونك عن الساعه ايان مرساها) فرد عليه المرحوم محمد صالح ابراهيم بتلغراف بايه قرانية ايضا (الساعة اتيه لاريب فيها) ظن جهاز الامن ان هذه شفرة والشيوعيون يدبرون امرا فاعتقلوا محمدصالح ابراهيم واطلقوا صراحه بعد أن تاكدوا من ميرزا عن موضوع الساعه&

Read more

ﺻﻠﻴﻨﺎ ﺍﻟﻤﻐﺮﺏ ﻓﻲ ﺍﻟﺠﺎﻣﻊ ﻭﺍﻟﻤﻄﺮﺓ ﺻﺒﺖ ﻓﻲ ﻧﺺ ﺍﻟﺼﻼﺓ ﺍﻭﻝ ﻣﺎ ﺍﻧﺘﻬﻴﻨﺎ ﺍﻟﺠﻤﺎﻋﺔ ﻗﺎﻟﻮﺍ ﻟﻲ ﺍﻻﻣﺎﻡ ﻫﻞ ﻧﺠﻤﻊ ﺍﻟﻌﺸﺎﺀ ﻃﻮﺍﻟﻲ ﺍﻻﻣﺎﻡ ﻗﺎﻝ ﻟﻴﻬﻢ ﺩﻗﻴﻘﺔ ﻭﻣﺸﻲ ﻋﻠﻲ ﺍﻟﺸﺒﺎﻙ ﻋﺎﻳﻦ ﻟﻠﻤﻄﺮﺓ ﻣﺴﺎﺍﺍﻓﺔ ﻛﺪﺓ ﻭﺍﻟﺠﻤﺎﻋﺔ ﻛﻠﻬﻢ ﻣﺮﻛﺰﻳﻦ ﻣﻌﺎﻫﻮ ﻭﻋﺎﻳﻦ ﻟﻠﻤﺆﺫﻥ ﻭﺃﺷﺮ ﻟﻴﻬﻮ ﻳﻘﻴﻢ ﺍﻟﺼﻼﺓ ﻃﻮﺍﺍﺍﻟﻲ ﻭﺍﺣﺪ ﺭﺑﺎﻃﺎﺑﻲ ﺍﺗﻠﻔﺖ ﻋﻠﻲ ﻭﻗﺎﻝ ﻣﺎ ﺷﺎﺀ ﺍﻟﻠﻪ ﺗﻘﻨﻴﺔ ﺍﻝ ‏(VAR) ﺧﺸﺖ ﺍﻟﺠﻮﺍﻣﻊ&

Read more

مسطول قال ‏ليه النسوان ما بصدقوا الأعذار البنقولها ليهم زوجة النبي يونس مثلاً غاب ٣ ايام عن البيت ورجع قال ليها كان بالعني حوت والله ما فتحت خشمها بحرف لو سودانية كان تشبكك اجي يا الحوت والحوت ما لقي الا يبلعك انت و مالو طلعك و لا تكون طممت بطنو و انت فاكرني هبلة كان عرست قول عديل&

Read more

مسطول عايز يعلم كلبو الصيد طلع لقاهو بخاف من صوت الطلقة قام صاحبو قال ليها حضرو اعراس واي عقد سوقو معاك عشان يتعود على صوت الطلقة بعد شهرين الكلب من عرس لي عرس ومن عقد لي عقد صوت الطلقة بقي ليها عااااادي قام طلعو للصيد اول طلقة فكاها في غزاله الكلب ختة ايدو في خشمو وقعد يزغرد ايوووو يووووووي&

Read more