رباطابي​ قافلة معاهو سافر السعودية كايس لي شغل نزل المطار واستلمو جوازو ضابط المطار عاين لي الاسم مسااااافة وقال للرباطابى انت اسمك مهدي نمر الرباطابي قال ليهو آاي ياهو إسمى الضابط قال ليهو بس نمر دة اسم حيوان الرباطابي قال ليهو نان فهد دة كهربجي​&

Read more

رباطابي نزل ضيف على جماعة عندهم كمية من الخرفان كان فاكرهم ح يضبحوا ليهو خروف جابو ليهو ثيرمس شاي سادة ونسوا الموضوع بعد شوية ظهر خروف طالع من الزريبة ينطط قدام الرباطابي قاموا رجعوه الزريبة تاني الخروف جا ينطط قدام الرباطابي تاني رجعوه الرباطابي قال للخروف ما قصرت سويت العليك&

Read more

من طرائف ما يروى عن الشعراء أن الأعور بن بنان التغلبي دعا الشاعر الأخطل إلى منزله وكان منزلا منجدا بالفرش الجميلة والأثاث الزاهية وكانت له زوجة في غاية الحسن والجمال فقال يسأل الأخطل يا أبا مالك إنّك تدخل على كبار القوم في مجالسهم فهل ترى في بيتي عيباً فأجابه الأخطل ما أرى في بيتك عيباً غيرك&

Read more

في برلمان زمان نقد واقف مع ابوسبيب ودفع الله التوم جا هجو قسم السيد شايل مصاحف جميلة ادي الاتنين وفط نقد قام نقد ناداهو وسألو ليه ما اديتني مصحف قال ليهو ما حبيت احرجك قال ليهو انا اسمي محمد ابراهيم نقد فيهو اتنين انبياء انت من الله خلقك سمعت ليك بي نبي اسمو هجو&

Read more

تم فصل المرحوم البروفيسور فاروق كدودة من جامعة جوبا التي كان يعمل بها وبرر زكريا بشير امام مدير جامعة جوبا حينئذ بقوله اني رايت في المنام اني افصله ففصلته ثم خاض الرجل صراعا طويلًا في المحاكم إنتهى بصدور قرار بإعادته للجامعة وصبيحة اليوم التالي قدم إستقالته فسأله صحفي في حوار معه فى صحيفة “الأضواء” ولماذا إستقلت يا بروف فأجابه بطريقته الساخرة يعني وعايزني أنتظر لحدي ما يرى في المنام أنه يذبحني&

Read more

واحد قاعد في البلد هو وأولادو يتعشو ومولعين لمبة جاز فجأة دخل عليهم تيس من بهايم الزريبة العندهم عمك كورك لواحد من اولاده قوم يا عوض قوم أربط التيس لا يكشح لينا العشاء قام عوض وعوض أريتو إن ما قام عوض في قومتو شات اللمبة ولحقها عفصها لمن إنكسرت وطلع برجله الأولى في صحن العشاء وبالرجل التانية في بطن أبوه قام أبوه يكورك آاااااا ناس أربطوا عوض التيس خلوه التيس خلوه يا ناس&

Read more

قال قاضي سوداني سابق أن شرطة الخرطوم كانت عندما تصادر كمية ضخمة من الحشيش يتقرر حرقها قرب الحزام الأخضر ويحضر هو أو أي قاض آخر لإعطاء الشرطة الأمر بإحراق الكمية وقال إن ما كان يحيرهم أن أحد كييفة الحشيش يحضر عندما تبدأ عملية الحرق ويقف في الجهة التي تهب عليها الرياح ويستنشق ملء رئتيه على مرأى من القاضي والشرطة وهو يردد “بالقانون يامولانا” ولا أحد يستطيع إعتقاله أو أمره بمغادرة المكان أو التوقف عن الإستنشاق لأنه لم يخالف القانون&

Read more

موقف حقيقي حدث لعقيدين شرطة بمحلية ابوحمد حيث كان واحد منقول منها والآخر قادم اليها بدلا عن زميله وكانوا في المكتب مع بعض دخل عليهم احد الرباطاب وكان لديه غرض مع مدير شرطة المحلية وعند دخوله وجد العقيدين مع بعضهما فخرج من المكتب فسأله رفاقه ان شاء الله قضيت غرضك فاجابهم لا ما قضيتو قالوا ليه ليه ماقضيتو قال ليهم ماعرفت الشريحه الشغاله ياتا&

Read more

ﻣﺴﻄﻮﻝ ﺯﻧﻘﻮ ﻟﻴﻚ ﻛﻠﺐ ﻓﻲ ﺯﻗﺎﻕ ﻭﺷﺒﻜﻮ ﻟﻴﻚ ﻫﻮ ﻫﻮﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮ ﻫﻮ ﻫﻮ ﻫﻮ ﻫﻮﻫﻮ ﻫﻮ ﻫﻮﻫﻮ ﻫﻮ ﻫﻮ ﺍﻟﻤﺴﻄﻮﻝ قال ليهو ﻳﺎﺧﻲ ﻣﺎ ﺗﺪﻳﻨﻲ فرصة معاك أقول ليك جر&

Read more

ﻗﺮﻳﺔ ﻛﻠﻬﺎ ﺍﻏﺒﻴﺎﺀ ﻋﻨﺪﻫﻢ ﺣﻔﺮﺓ ﻛﻞ ﻳﻮﻡ ﺑﻘﻊ ﻓﻴﻬﺎ ﺯﻭﻝ ﺑﻤﻮﺕ ﻗﺎﻡ ﻋﻤﻠﻮ ﺍﺟﺘﻤﺎﻉ ﻋﺸﺎﻥ ﻳﺸﻮﻓﻮ ﺣﻞ ﻟﻲ ﻣﺸﻜﻠﺔ ﺍﻟﺤﻔﺮﺓ ﻗﺎﻡ ﻭﺍﺣﺪ ﻗﺎﻝ ﺍﻧﺤﻨﺎ ﺍﻟﺤﻔﺮﺓ ﺩﻱ ﻧﺠﻴﺐ ﻋﺮﺑﻴﺔ ﺍﺳﻌﺎﻑ ﺟﻤﺒﻬﺎ ﻋﺸﺎﻥ ﻛﺎﻥ ﻭﻗﻊ ﺯﻭﻝ ﺗﺸﻴﻠﻮ ﺍﻟﻌﺮﺑﻴﺔ ﺗﻮﺩﻳﻬﻮ ﺍﻟﻤﺴﺘﺸﻔﻰ ﻗﺎﻡ ﻭﺍﺣﺪ ﺗﺎﻧﻲ ﻗﺎﻝ ﻟﻴﻬﻮ ﻋﻠﻰ ﺑﺎﻝ ﻣﺎ ﺍﻟﻌﺮﺑﻴﺔ ﺗﻮﺩﻳﻬﻮ ﺍﻟﻤﺴﺘﺸﻔﻰ ﺍﺣﺘﻤﺎﻝ ﻳﻤﻮﺕ ﺍﻧﺤﻨﺎ ﻧﻘﻮﻡ ﻧﻜﺴﺮ ﺍﻟﻤﺴﺘﺸﻔﻰ ﻭﻧﺒﻨﻴﻬﺎ ﺟﻤﺐ ﺍﻟﺤﻔﺮﺓ ﺁﺧﺮ ﺣﺎﺟﺔ ﻗﺎﻡ ﺷﺎﻳﺐ ﻛﺒﻴﺮ ﺷﻜﻠﻮ ﻓﺎﻫﻢ ﻛﺪﺍ ﻗﺎﻝ ﻟﻴﻬﻢ ﻳﺎ ﺟﻤﺎﻋﺔ ﺍﻧﺘﻮ ﺍﻏﺒﻴﺎﺀ ﻧﺤن ﻧﻘﻮﻡ ﻧﺪﻓﻦ ﺍﻟﺤﻔﺮﺓ ﻭ … ﻭنحفرها ﺟﻤﺐ ﺍﻟﻤﺴﺘﺸﻔﻰ&

Read more

واحد فلسان فلس شديد صاحبو قاليهو امشي لخالك الوزير يمكن يشوف ليك شغل معاهو في الوزارة من الصباح لبس ومشى الوزارة دخلوهو طوالي للوزير لقاهو يتكلم في التلفون المهم أشر ليهو على كرسى يقعد وأثناء الوزير يتكلم دخل عليهم تاجر كبير الوزير كمل المكالمه طوالي التاجر سأل الوزير عملت لي شنو في العطاء الوزير قال ليهو العطاء وقع للزول الجالس في الكرسي دا واشر علي ود اختو المهم التاجر حلف على الولد يتنازل ليهو مقابل تلاته مليار وكتب ليهو شيك بالمبلغ والتاجر طلع الوزير قال لود اختو جيب الشيك شالو منو دخلو درجو وكتب ليهو شيك آخر بواحد مليار وقال ليهو تاني ما اشوفك حايم هنا المهم صاحبنا مشى الحله لاقاهو صاحبو قال ليهو أها خالك عمل ليك شنو قال ليهو خالي مشيت ليهو يشوف لي شغل قام اكلني أتنين مليار&

Read more