“حبيت عشانك كسلا” … اسحق الحلنقي

كلمني قول لي فاكر ليالي القاش
لما الحنين عاودني لي عطفك الجياش
جافيت حبيب ماخانك من نور بسيمتك عاش
انا تاني مابتلقاني يوم في طريقك ماش
قاصد مكان زي كسلا
حبيت عشانك كسلا خليت دياري عشانا
وعشقت ارض التاكا الشاربه من ريحانا
صوت السواقي الحاني ذكرني ماضي بعيد
وعلي الرمال اثارك طرتني ليلة عيد
ألمني قلبك يقسي ويرفس غلاوة الريد
باقي الطريق بمشيهو خليني فيهو وحيد
والحب عذاب في كسلا
حبيت عشانك كسلا خليت دياري عشانا
وعشقت ارض التاكا الشاربه من ريحانا
فرحة ليالي الريد ونداوة البسمات
خلتني ابكي واندم علي عمر روح فات
وحسرة سنيني الراحن مابترحم الجايات
ندمان عليك ياعمري ندمان علي الكلمات
علي كل ريد في كسلا
حبيت عشانك كسلا خليت دياري عشانا
وعشقت ارض التاكا الشاربه من ريحانا
ظلم الزمان الخانني ياريتو لو كان خانك
ياالجرت واتنكرت لي الساب ديارو عشانك
وقدر عشانك كسلا

Leave a Reply

Your email address will not be published. Required fields are marked *

error: Content is protected !!