“يوميات علوب” (73) … شين ودشن

قالت ليها بكره (الفلنطاين) …!!! (الفلنطاين ) شحدتا ربي يقوم ليك في راسك ده …!! دي كمان موده ( عصعوص ) قايمه وقاعده مقدمة اقتراح لي ناس مشاعر انو كيف يحتفلو بالمناسبة السعيده دي ….!! ململمات قاعدات في البيت …!! ا
ياها عصعوص دي ( سوط العنج ) وناس (امنيات وتقوي) …( ديل اصلهن بس بشاركن دون الإدلاء بي راي …!! اصلو مابزعلن زول …!! (وصفاء ) طبعا مستلمه الرصه ….اها ومعاهن اميرة (فلقصة) …!! (طبعا كمال طلقا) …!!! ( بضغوط من ( ترامب ) ( مرتو ) ..!! غايتو طلعت ليها بي عربية ولقب زوجة سابقه …مبسووووطه…!! تكون عرست (العربية) دي …!! ومشاعر طبعا مقر اللجنة تستمع للآراء بكل اهتمام …
اها البنات الماعندهن شغله ديل …!! قالن يجهزن للاحتفال بي عيد الحب ..!! غايتو جنس حاله …!! (عصعوص ) كمان بتبرر انو الناس فاهمه اليوم ده غلط …وانو الحب المقصود هو الحب بي معناهو الأكبر وليس المعني الضيق…..!! او كما قالت ….!! (سنا ياعصعصة …!!! بقيتي تفتي كمان) …!!!
….وانا قااعد لابد داير اشوف بس مشاعر بتقول شنو …!!! عشان اشيل ( بسطونتي ) دي امشي عليها …!!! اول حاجه طبعا مشاعر أدت ليك القدوم ده ( برمه ) كدا ..طبعا دي الحركه البتجيها لما تكون مع صاحباتا ديل وتحس بالاهتمام …انا ساميها الحركة ( الحماريه ) ….!! المهم قالت ( ياخوانا نحن حقو نحتفل هنا في البيت ونعمل شاي وتورته ولمه مع الأهل ونقول ليهم نحنا بنحبكم …!!! ) …!! ماقصرتي ياشوشو…!!! الله مرقك ….!! الفكره عجبتني …!! تكون لقطتا من مسلسل …
بس نطت ليك ( فلقصة ) انا ياجماعة شايفه انو ( الفالانتاين)
….!! ( دي ما نجيبيضه ….!! نطقتو صاح) ( الشلابه) …مش ذي عصعوص قالت ( الفلنطاين ) …!!! غايتو جنس ( طين ) …
نرجع لي ( فلقصه ) وفتواها …!!قالت انها شايفة انو دي مناسبة خاصة جدا والاحتفال بيها لازم يكون بالخصوصية دي نفسها …!!! الله لا كسبك يا اميرة …خلاص دايرا تبوظ البنات …خصوصية شنو كمان….المهم مافي زول ردا عليها …!!
نطت (امنيات) (السهتانه) دي …!!! (بس يخلو ليها الضحك )
قالت انا ماشه عشان متابعة المسلسل ..!! وروني بقيتو علي شنو
وانا معاكم …طواااالي انت معاهم يامنمن …!! عفيت منك …
قال عيد الحب …!! هو وينو الحب عشان يعملو ليهو (عيد )
…والحب في ذاتو مبرر كافي …ما شين ودشن وزيك مافي الشين …!! ( فلانطاين) وورد الجناين ….!! محطة (الماسورة )
في زول نازل….!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *